Ishtirok etish

Koʻp soʻraladigan savollar (KSS)

JustStart akseleratori o‘zi nima?

JustStart Oʻzbekiston Yoshlar ishlari agentligi va BMTning “Fargʻona vodiysi yoshlarining ijtimoiy uygʻunligi” qoʻshma loyihasi tashkil qilingan. Akselerator startaplarga tez va sifatli tarzda muvaffaqiyatga erishishga yordam beradi. Ekspertlarimiz esa, oʻz bilim va tajribalarini ushbu tanlov ishtirokchilari bilan oʻrtoqlashadi. Maqsadimiz – startap xavf-xatarlarini kamaytirish, uning investorlar uchun qiymati va jozibadorligini oshirishdir. Biz jamoalarga turli yo‘nalishlarda bilim beramiz, ularga biznes-modelni ishlab chiqishlarida yordam beramiz va tadbirkorlik faoliyati ko‘nikmalarini oʻrgatamiz. Jamoalarni jadal o‘qitish va ularning loyihasini amalga oshirish dasturi hisoblangan akselerator keng koʻlamli biznesni qurishga yordam beradi.

Akseleratorda kimlar qatnashishi mumkin?

JustStart akselartori Farg‘ona vodiysi aholisining loyihalarini rivojlantirish va qoʻllab-quvvatlash uchun mo‘ljallangan. Akseleratsiya dasturidan foydalanish uchun barcha mashg‘uot, trening va boshqa tadbirlarga kelishingiz talab qilinmaydi, chunki ularning hammasi onlayn tarzda o‘tkaziladi. Mashg‘ulotlar haftasiga ikki-uch marta ZOOM dasturi orqali oʻtkaziladi va jamoada muntazam ishlashingiz kerak boʻladi. Agar siz Farg‘ona vodiysida yashasangiz, unda  JustStart akseleratoriga xush kelibsiz! Bu mutlaqo BEPUL!

JustStart bilan hamkorlikni qanday boshlash mumkin?

Sayt yuqori qismidagi “ISHTIROK ETISH” tugmachasini bosgan holda JustStart.uz saytiga ariza berish zarur.

Arizamning javobi qachon chiqadi?

Biz har bir ishtirokchining arizasini diqqat bilan oʻrganib chiqamiz va 1-2 hafta ichida javobini taqdim etamiz.

Qatnashish uchun arizada loyihaning video-taqdimoti talab qilinmoqda. Bu majburiymi? Videoning sifatiga ham qandaydir talablar bormi?

Arizangizda video-taqdimotning bo‘lishi majburiy emas, ammo bo‘lgani ma’qul. Videoning sifatiga maxsus qat’iy talablar qo‘yilmagan, siz uni jamoangizning kuchi bilan telefon kamerasiga yozib olishingiz mumkin.

Startapni akseleratorsiz amalga oshirish mumkinmi?

Albatta. Biroq mustaqil ish ancha uzoq cho‘ziladi va maʼlumotning kamligi, jamoa yoki mablagʻlar yetishmasligi sababli ikki oydan keyin uni tashlab qo‘yishingiz ehtimoli katta. Ko‘pchilik hatto ishni nimadan boshlashni bilmaydi yoki notoʻgʻri yoʻl tanlaydi. Boshlangan ishda ustozning yo‘qligi noto‘g‘ri qabul qilingan qarorlar, xatolar hamda pullarning havoga sarflanishiga olib keladi. Oxir-oqibatda g‘oyangizni amalga oshirishdan voz kechish ehtimolingiz oshadi. Akseleratorda siz yetuk mutaxassislar qurshovida boʻlasiz; ular sizga gʻoyangizning qanchalik asosli ekanini tekshirib, loyihani 3-6 oy ichida amalga oshirishingizga yordam beradi. Eng asosiysi – bu mutlaqo  bepul!

Akseleratorga qanday loyihalar zarur? Startapda asosiysi nima?

Startap – bu potentsial keng koʻlamli mahsulot bo‘lib, u odamlarning muammosini hal qiladi. Keng koʻlamli deganda, o‘sish uchun pul sarflashga, ko‘proq odamlarni yollashga va ular ko‘proq mijozga xizmat ko‘rsatishi uchun u kishilarga maosh to‘lashga xojat boʻlmasligini tushunish kerak.

Jamoamiz bir vaqtning o‘zida bir nechta loyiha ustida ishlamoqda, bitta qabulga bir nechta ariza berish mumkinmi?

JustStart akseleratorining eksperti jamoaning loyihaga jalb etilganlik darajasini va uning rivojlanishidan manfaatdorligini baholaydi. Biz bir loyihani rivojlantirishga “sho‘ng‘ib” ketishingizni va uning ustida bor imkoniyatingiz bilan ishlashingizni ma’qul ko‘ramiz.

 

Akseleratorda o‘qish jarayoni qanday o‘tkaziladi?

Ayni paytda o‘qish jarayoni onlayn rejimda o‘tkaziladi. Ta’lim jarayoni professional trenerlar va bozor ekspertlarining ma’ruzalari, seminarlari, treninglari, mahorat darslarini hamda jamoalarning mentor bilan haftalik uchrashuvlarini o‘z ichiga oladi.

Akseleratsiya dasturi qancha davom etadi?

JustStart akseleratorida dasturlar uch oydan olti oygacha muddatli boʻladi. Siz investorga o‘z loyihangizni taqdim etadigan demo-kun dasturning yakuniy natijasi hisoblanadi.

Ishtirokchilar akseleratsiya dasturidan chiqarib yuborilishi mumkinmi? Agar ha bo‘lsa, unda nima uchun?

Ha, mumkin. Agar akselerator mashg‘ulotlarini o‘tkazib yuborsangiz, mashg‘ulotlarda uzrli sababsiz qatnashmasangiz va topshiriqlarni bajarmasangiz, siz ishtirokchilar roʻyxatidan chiqarib yuborilasiz.

Qanday loyihalar investitsiyalarni jalb qila oladi?

Agar sizda shijoatkor jamoa va keng koʻlamda amalga oshirish salohiyatiga ega bo‘lgan biznes-g‘oyangiz boʻlsa, startapingiz investorni qiziqtirishi mumkin. U oʻzingiz yashayotgan jamiyatdagi ko‘plab odamlar uchun dolzarb bo‘lgan muammoni hal qilishi zarur.